Almatyda kún raıyna baılanysty eskertý jarııalandy
NUR-SULTAN. QazAqparat – Almaty qalasynda aýa raıynyń qolaısyzdyǵyna baılanysty eskertý jarııalandy. Bul týraly qalalyq Tótenshe jaǵdaılar departamenti málim etti, dep habarlaıdy QazAqparat atalǵan vedomstvoǵa silteme jasap.
«Qazgıdromettiń» eskertýine sáıkes 4 qarasha kúni Almatyda qalyń qar jaýýy yqtımal. Kúndiz jáne túnde tuman, keı ýaqytta kóktaıǵaq bolady. Aýa temperatýrasy kúrt tómendep, kúndiz 3-5 gradýs aıaz bolsa, túnde 6-8 grýdýsqa deıin tómendeıdi», - delingen habarlamada.
Osy oraıda qalalyq TJD júrgizýshilerden kólikterin kóshede qaldyrmaı, avtoturaqqa qoıý kerektigin eskertedi.
Sondaı-aq, kólikterdi jaryq jelisi tartylǵan jerden aýlaq qoıý kerektigin eske salady.
Odan bólek, kólik júrgizýshiler men jaıaý júrginshilerdi taıǵaq jolda saq bolýǵa shaqyrady.
Aıta ketsek, búgin Qazaqstannyń birqatar oblysynda kún raıyna baılanysty eskertý jarııalandy.
