Almatyda kún kúrt sýytady: qutqarýshylar úsip qalý men órtten saqtanýdy eskertti
ALMATY. QazAqparat – Almaty qalalyq tótenshe jaǵdaılar departamenti «Qazgıdrometke» silteme jasap, kún raıyna qatysty eskertý jarııalady, dep habarlaıdy QazAqparat tilshisi.
27 qarasha kúni Almatyda qalyń qar jaýyp, kóktaıǵaq bolady. Aýa temperatýrasy 12-14 gradýsqa deıin kúrt tómendeıdi.
Osy oraıda, qalalyq tótenshe jaǵdaılar departamenti gıpotermııa men aıaz kezinde dalada qalǵan adam denesiniń úsip qalý qaýpi baryn eskertti.
Sondaı-aq, órt qaýipsizdiginiń qarapaıym erejelerin eskerýdiń mańyzdylyǵyn málimdedi. Jelilerge shamadan tys júk túsýi, úıdegi jylytý, gaz qurylǵylaryn paıdalaný jáne kómir otynymen janatyn peshterdi paıdalaný erejeleriniń saqtalmaýynan oqys oqıǵalar tirkeletinin eske saldy.
Osyǵan oraı, Almaty qalalyq TJD mynadaı málimdeme jarııa etti:
- sýyq aýa raıy kezinde alys issaparǵa jáne kóshege qajetsiz shyqpańyz. Bul ásirese kishkentaı balalar men qart adamdarǵa qatysty. Eldi mekenderdegi alys ormanda shańǵy jáne basqa da serýenderdi keıinge qaldyrý qajet;
- avtokólikpen alys qashyqtyqqa saparlardan bas tartý;
- syrtqa shyqpas buryn garderobty muqııat tańdańyz: kún raıyna sáıkes kıiný, tar kıim men aıaq kıim, bıik óksheli aıaq kıim kımeý, óıtkeni bul qan aınalymyn azaıtýǵa jáne tez qatýǵa yqpal etedi;
- aıazda boıyńyzda mynadaı belgiler: qaltyraý, sezimtaldyqtyń joǵalýy, teriniń bozarýy, uıqyshyldyq, shanshý bolsa, eń jaqyn jyly úı jaıǵa kirip, deneńizdiń muzdap qalǵan jerlerin jyly qolmen qyzarǵansha jylytyńyz, jeńil massaj jasańyz, jún matamen súrtińiz, demalyńyz, sodan keıin maqta dákesin (nemese qolyńyzdaǵy kez kelgen basqa) tańǵyshty baılańyz;
- aıazda deneńizdiń úsigen belgileri bolǵan kezde (tańǵyshty qoldanǵannan keıin) medıtsınalyq kómekke júginýdi umytpańyz.
