Almatyda Qumbel shyńynda adasyp ketken eki adam qutqaryldy
ALMATY. QazAqparat – Almatyda Respýblıkalyq jedel qutqarý jasaǵy taý shyńynda adasyp qalǵan eki adamdy qutqardy, dep habarlaıdy QazAqparat tilshisi.
Mamandardyń aıtýynsha, qazir mamyr aıy bolǵanymen taýdaǵy aýa raıy qubylmaly. 1 mamyrda er adam taýǵa serýendep shyqqan. Kún jyly bop turǵan. Tústen keıin kún kúrt buzylyp, qar aralas jaýyn jaýa bastaǵan. Qumbel shyńyna jetpesten er adam keri qaıtpaq bolady. Biraq qaıtar joldan adasyp ketedi. Túsip kele jatyp tanysyna habarlasqan. Túnge jýyq olar kezdesedi. Alaıda aıaǵy aýyryp, tómen túse almaǵan.
Malmandaı sý bolyp, tońǵan jigitter qutqarý jasaǵynyń kezekshi pýltine habarlasqan. Olardy qutqarýǵa kınologtar shyqty.
Qutqarý jasaǵy shyqqanda tún ishinde qar tizeden asyp ketken ári aýa temperatýrasy -10 gradýs shamasynda bolǵan. Osyndaı sátte kóshkin júrý qaýpi baryn eskergen qutqarýshylar abaılap júrýge májbúr boldy.
Az ýaqyttan soń qutqarýshylar adasqandardyń fonar jaryǵyn baıqaǵan. Alystan habarlasyp, ne isteý kerektigin túsindirgen.
Er adamdar qatty tońyp, qarda otyrǵan jerinde tabyldy. Qutqarýshylar ot jaǵyp jylytty. Odan keıin aıaǵy aýyrǵan jigitti taýdan túsirip, medıtsına mamandaryna tabystady.
