Almatyda qumar oıyn uıymdastyrýshylar ustaldy

ALMATY. QazAqparat - Almatyda stavkalary men aqshalaı utystardy kózdeıtin qumar oıyn (astyrtyn kazıno) túrindegi zańsyz oıyn bıznesin uıymdastyrý áreketiniń joly kesildi, dep habarlaıdy QazAqparat.

QMA Almaty qalasy boıynsha departamenti júrgizgen tintý barysynda oıyn kartalary men fıshkalar, ústel japqyshy (mata), oıynshylardan uıymdastyrýshylardyń biriniń kartochkalyq shotyna aýdarylǵan qarajat tabylyp, tárkilendi.

«Oıyn ótetin kúni uıymdastyrýshylar oıyn týraly SMS jiberip, oıynshylardy jabyq tizim boıynsha shaqyratyny, dılerler men daıashylardy jumysqa tartatyny anyqtaldy.

Qazirgi ýaqytta sotqa deıingi tergeý aıaqtalyp, is sotqa joldandy», - dep jazdy departamentten.

QR QPK 201-babyna sáıkes ózge málimetter jarııa etilmeıdi.