Almatyda "Kúlki kúni" merekesi ótýde

dep habarlaıdy QazAqparat.

"Aıala" jáne "Dara" qaıyrymdylyq qorlarynyń uıymdastyrýymen ótip jatqan sharaǵa Almaty qalasyndaǵy tórt balalar úıinde tárbıelenip jatqan 700-den asa balalar qatysýda. Olar "Qııal ǵajaıyp álemi" parki tegin usynǵan attraktsıondarynda kóńil kóterýde. Sondaı-aq, baǵdarlama aıasynda balalarǵa arnalyp estrada juldyzdary men tanymal mýzykanttardyń qatysýymen kontserttik baǵdarlamalar men tsırk ártisteriniń qoıylymdary qoıylady.

"Bul merekeni osymen 3-shi ret ótkizip jatyrmyz. Maqsatymyz balalarǵa qýanysh syılaý, kóńilderin kóterý, qamqor adamdar bar ekendigin kórsetý. Negizinen mereke - óte pozıtıvti, paıdaly, tipti daǵdarysqa qarsy arnalǵan shara deýge bolady. Kúlki jastyq pen ádemilikti syılaıtynyn jáne ol jetistikke jetkizetinin eskersek, biz de óz tarapymyzdan qýanysh pen jaqsylyqty syılaǵanymyzǵa qýanyshtymyz", dedi "Aıala" qaıyrymdylyq qory Prezıdentiniń keńesshisi Jangeldi Sarsenov. Onyń aıtýynsha bul kúni barlyq balaǵa ádettegideı syılyqtar, bazarlyqtar tabys etiledi.

Syılyqtardy Birinshi Prezıdent qory jáne "Glorııa" týrıstik kompanııasy usynǵan. Sonymen qatar, bul sharaǵa 11-den asa uıymdar men kompanııalar jáne meıramhanalar demeýshilik kórsetýde.