Almatyda quldyqta boldym degen jasóspirim jaýapqa tartylýy múmkin
ALMATY. QazAqparat - Almaty polıtsııasy 16 jastaǵy jasóspirimniń quldyqta bolǵany týraly aqparatty teriske shyǵardy, dep habarlaıdy QazAqparat tilshisi.
Atalǵan aqparat buǵan deıin birqatar BAQ-da jarııalanǵan bolatyn. BAQ málimetterine qaraǵanda, 16 jastaǵy Pavlodar turǵyny 1,5 aı boıy úıine orala almaǵan. Keıin anasyna bireýler habarlasyp, balasynyń Almatyda quldyqta ekenin habarlaǵan.
Qalalyq ІІD baspasóz qyzmetiniń habarlaýynsha, ІІD uıymdasqan qylmysqa qarsy kúres basqarmasy mamandary jasóspirimniń Almatyda 1,5 aı quldyqta boldym degen aqparatyn tekserdi.
Atalǵan derek QR QK 126-babymen sotqa deıingi biryńǵaı tergeý reestrine tirkeldi. Qylmystyq is negizinde Almaty polıtsııasy pavlodarlyq áriptesterine tıisti tergeý amaldaryn júrgizýge tapsyrma berdi. Tekserý barysynda 16 jastaǵy jigitten jaýap alynǵan.
«Jas jigit Almatyǵa aqsha tabý úshin kelgenin aıtty. 1,5 aı boıy Almatyda jeke qurylys ornynda kúnine 3-4 saǵattan jumys istegen. Osy ýaqyt aralyǵynda ol qonaq úı tıpindegi bólmeni jaldap turǵan», - dedi ІІD baspasóz qyzmetinen.
Polıtsııa quldyq týraly qylmystyq isti toqtatty. Esesine bul týraly aqparat taratqan tulǵalarǵa qatysty qylmystyq is qozǵalatyn boldy.
«QR QK 274-babynyń 2-bólimimen jalǵan aqparat taratý boıynsha sotqa deıingi tergeý amaldary bastalady. Ár adam aıtqan sózi úshin jaýap berýi tıis. Búginde jalǵan aqparat taratqan adamdar aıyby dáleldense, 5 AEK mólsherinde aıyppul tóleıdi nemese sol kólemdegi túzeý jumystaryn jasaıdy. Bolmasa 2-5 jylǵa bas bostandyǵy shekteýli múmkin», - dedi polıtsııadan.
