Almatyda qulaq múkisi bar múgedekter máselesi boıynsha dóńgelek ústel ótti

trong>Qarashanyń 3-i. QazAqparat /Ádilet Musahaev/ - Almatyda «Úmit» sańyraý múgedekterdi qoldaý ortalyǵy «Estý qabileti tómen azamattardyń áleýmettik máselesin tıimdi sheshý» taqyrybynda dóńgelek ústel ótkizdi,

dep habarlaıdy QazAqparat.

Qazirgi tańda Almaty qalasynda 10 myńǵa jýyq estý qabileti tómen adam bar, al Qazaqstan boıynsha bul kórsetkish 155 myńnan asady eken.

«Úkimet tarapynan qaraıtyn bolsaq, qulaǵy estimeıtin adamdarǵa úshinshi toptyq múgedektigi berilip, zeınetaqy tólenedi. Búgingi tańdaǵy olardyń máselelerine toqtalsaq, zańda bulardy turǵyn úımen qamtamasyz etý jaǵy kórsetilmegen, olar shamasy kelgenshe bilim alyp, jumys jasap kúnderin kórip jatyr. Sondaı-aq jumyspen qamtý máselesi de óz sheshimin tappaı otyr,  bul múgedekterdiń kópshiligi tigin, shashtaraz mamandyǵy boıynsha Almaty tehnıkalyq koledjin bitiredi.  Jumys berýshi shaǵyn kásiporyndar bulardy jumysqa alǵysy kelmeıdi, bularǵa aýdarmashy kerek, olarmen jumys isteý qıyn dep syltaý aıtyp jatady. Úkimet tarapynan múgedekterdiń áleýmettik jaǵy kórsetilgen, tek sol zań oryndalsa jaqsy bolar edi. Taǵy bir másele olardy aqparattandyrý máselesi boıynsha ınfraqurylym joq, tek qana «Habar», «Qazaqstan» arnalarynda keshki saǵat 5-terdegi jańalyqtardy ǵana ún tilinde beredi. Olar tek qana jańalyqty kórip shektelmeý kerek, basqa da ǵylymı-tanymdyq, tok-shoýlardy kórgileri keledi. Qazaqstan óz egemendigin alyp, qazaq tili memlekettik til boldy, osy aralyqta qazaq  ún tili jańa belesterge kóterilse eken dep qazaq ún tilin bizdiń ortalyq jasap shyǵardy», deıdi atalmysh ortalyqtyń dırektory Amanbıke Erǵalıeva.