Almatyda qulaǵan aǵashtyń astynda qalǵan áıel kóz jumdy
ALMATY. QazAqparat - Almatyda qulaǵan aǵashtyń astynda qalǵan áıeldiń ómirin dárigerler saqtap qala almady, dep habarlaıdy QazAqparat tilshisi.
Qaıǵyly oqıǵa Shatskıı kóshesinde bolǵan. Aǵash áıel men 5 balanyń ústine qulap ketken.
Qalalyq Qoǵamdyq densaýlyq saqtaý basqarmasynyń habarlaýynsha, oqys oqıǵadan medıtsınalyq kómekke 4 adam júgingen.
«Túrli jaraqat alǵan bir bala aýrýhanaǵa jatqyzyldy. Qalǵan eki balany dárigerler qaraǵannan keıin úılerine jiberdi. Áıel N 4 qalalyq klınıkalyq aýrýhanaǵa óte aýyr jaǵdaıda jetkizildi. Ókinishke oraı, onyń ómirine dárigerler arasha túse almady»,- dedi baspasóz qyzmetinen.
