Almatyda qulaǵan aǵashtar kólikterge zaqym keltirdi: zalal qalaı óteledi

ALMATY. QazAqparat - Almaty qalalyq ekologııa jáne qorshaǵan ortany qorǵaý basqarmasynyń ókilderi, qulaǵan aǵashtardan kólikterine zaqym kelgen azamattarǵa qaıda júginý kerektigin aıtty, dep habarlaıdy QazAqparat tilshisi.

Basqarma málimetinshe, 20 maýsymda qalada jasyl jelekterdiń qulaýynyń 30-dan astam deregi tirkelgen. Onyń ishinde kólikterdiń ústine qulaý boıynsha 6 fakt, eski aǵashtardyń qulaýy - 13, aǵashtyń dińimen qulaýy – 8, iri butaqtardyń qulaýy - 11 fakt.

«Zaqymdanǵan kólik ıelerine keltirilgen shyǵyndy óteý máselesine kelsek, ár jaǵdaı jeke qaralady. Bul máselelerdi sheshý úshin sot organdaryna júginý qajet. Sot sheshimimen zalaldy óteý máselesi qarastyrylady», - dep atap ótti vedomstvodan.

Buǵan deıin qalada jańbyr jaýyp, qatty jel soǵyp, kólikterdiń ústine aǵashtardyń qulaǵany týraly jazǵan bolatynbyz.