Almatyda qulaǵan aǵash 8 kólikti basyp qaldy

ALMATY. QazAqparat- Almatynyń Medeý aýdanynda úlken terek qulap, segiz kólikti zaqymdady, dep habarlaıdy QazAqparat tilshisi.

Oqıǵa 13 tamyz kúni Medeý aýdany, Gogol-Abdýllın kósheleriniń qıylysynda boldy.

Kýágerler oqıǵa ornynan sýretter men vıdeolardy áleýmettik jelige júktedi.

«13 tamyz kúni keshki saǵat 18: 35 -te «112» pýltine Abdýllın 27 «A» úıiniń janynda aǵashtyń qulaǵany týraly habarlama tústi. Oqıǵa ornyna 109 qutqarý qyzmeti jiberildi. Belgili bolǵanyndaı úlken aǵash segiz kólikti basyp qalǵan. Oqıǵa ornynda 2 tehnıka, «109» qutqarý qyzmetiniń 4 qyzmetkeri, Tótenshe jaǵdaılar departamentiniń 5 mamany jumys istedi»,- dep habarlady departamentten.

Oqıǵadan zardap shekkender joq.