Almatyda quqyq tártibine qatysty qorytyndy keńes ótti
ALMATY. 26 qańtar. QazAqparat /Názıra Eleýhan/- Búgin Almatyda qala ákimi Ahmetjan Esimovtyń tóraǵalyq etýimen qorytyndy keńes bolyp ótti.
Onyń jumysyna quqyq qorǵaý organdarynyń qyzmetkerleri, qalanyń qurylymdyq bólimsheleriniń, aýdan ákimdikteriniń basshylary qatysty.
Keńeste Almaty qalasy ІІD-nyń bastyǵy Erlan Turǵymbaev baıandama jasady. Onyń aıtýynsha, ótken jyly quqyq buzýshylyqtyń aldyn alý men aýyr jáne asa aýyr qylmystardy ashýǵa erekshe kóńil bólingen.
«Іshki ister departamenti qoǵamdyq tártipti saqtaý men qaladaǵy aýhaldy jaqsartý úshin qosymsha sharalardy júzege asyryp, sholǵyn júrgizý baǵyttaryn qaıta qarady. Avtomarshrýttar men jaıaý sholǵynshylar eki esege artty. Qoǵamdyq tártipti saqtaý isine qoǵamdyq kómekshiler men ishki ásker jaýyngerleri tartyldy. Sonyń arqasynda krımınogendik jaǵdaı turaqtandy. 2010 jyldyń aıaǵynda kóshede qylmys jasaý 16,1 paıyzǵa, al qoǵamdyq oryndarda - 20,4 paıyzǵa azaıdy. Barlyq asa aýyr qylmystar aıryqsha baqylaýda boldy, sonyń nátıjesinde, olardyń basym kópshiligi ashyldy»,-dedi ol.
E. Turǵymbaevtyń aıtýynsha, uıymdasqan qylmys pen esirtki bıznesine qarsy kúreske erekshe nazar aýdarylǵan. «ÝBOP qyzmetkerleri uıymdasqan qylmystyń 3 basshysyn, 33 múshesin, 12 «bedeldisin» ustap, jaýapqa tartty. 57 jasyryn kazıno men zańsyz oıyn zaldary joıyldy. 4 jańa uıymdasqan qylmystyq top anyqtalyp, quryqtaldy. Zańsyz aınalymnan 420 kg esirtki zattary alyndy»,-dep atap ótti Erlan Turǵymbaev.
Ol sonymen qatar: «Jasóspirimder men stýdenttik orta da basty nazarda boldy. Stýdent jastar arasyndaǵy qylmystyń aldyn alý maqsatynda qaladaǵy 8 joǵary oqý oryndarynyń janynda polıtsııanyń ýchaskelik núkteleri jumys isteıdi. Jol qaýipsizdigin jetildirý maqsatynda ákimshilik yqpal etý kúsheıtildi, kólikti mas bolyp júrgizý men jol qozǵalysy erejesin buzǵandarǵa qatań sharalar qoldanyldy. Esepti kezeń ishinde tehnıkalyq quraldar arqasynda (foto, beıne kamera) 105 myńnan astam quqyq buzýshy anyqtalyp, olar 406,7 mıllıon teńge aıyppul tóledi»,-dedi.
«Іstiń naqty jaǵdaıyn bilip, tıimdi sharalardy der kezinde qoldaný qajet. Qala jabyq bolmaýy tıis, biraq biz ony syrttan keletin naǵyz qylmyskerlerden qorǵaýymyz kerek. Ýchaskelik ınspektorlar qataryn kóbeıtý bıýdjetke qosymsha salmaq túsiredi, biraq soǵan qaramastan azamattarymyzdyń qaýipsizdigi úshin biz bul isti qolǵa alamyz, búgin qala ekonomıkasy buǵan múmkindik beredi», - dedi qala ákimi Ahmetjan Esimov.
Bulardan ózge keńes jumysy barysynda Azıada kezinde qoǵamdyq tártipti qamtamasyz etý, qalanyń mańyzdy ınfraqurlymdy nysandaryn kúzetýdi kúsheıtý máselesi de jan- jaqty talqylandy.
