Almatyda qudyqta uzyn-sonar kezek paıda boldy
ALMATY. QazAqparat - Almaty qalasynyń Túrksib aýdanyndaǵy qudyqta uzyn-sonar kezek paıda boldy. «Almaty Sý» kásiporny jaǵdaıdy túsindirdi, dep habarlaıdy QazAqparat tilshisi.
«Kúni boıy sý joq! Olar apat boldy deıdi. Bir ǵana qudyq bar. Adamdar kezek úshin bir birimen janjaldasyp jatyr. Aýyz sý alatyn qudyq Moldaǵulova- Aqınov kóshesiniń qıylysynda ornalasqan», - dep jazdy jeli qoldanýshy.
«Almaty Sý» MM baspasóz qyzmetiniń málimetinshe, sýmen jabdyqtaý jelilerinde apatqa qatysty jumystar júrgizildi.
«17 mamyrda saǵat 05:00-den 24: 00-ge deıin Chernyshevskıı-Aqynov-Moldaǵalıev-Tolstoı kóshelerinde ornalasqan turǵyn úıler men ǵımarattarǵa ýaqytsha sýyq sý berý shektetildi»- dep habarlady «Almaty Sý» MM
Kompanııa apattyq jaǵdaı týraly aldyn ala bilý múmkin emes ekendigin atap ótti.
№9 emhananyń janyndaǵy R.Zorge kóshesine jáne Saýranbaeva 24, mamandandyrlǵan halyqqa qyzmet kórsetý ortalyǵyna úsh avtotsısterna sý jetkizildi. Ýaqytsha keltirilgen qolaısyzdyq úshin keshirim suraımyz», - dep atap ótti kompanııadaǵylar.
