Almatyda kúdiktiniń qashyp ketýine jol bergen polıtsııa qyzmetkerleri jumystan shyǵarylýy múmkin
ALMATY. QazAqparat - Almatyda kúdiktiniń sot ǵımaratynan qashyp ketýine jol bergen jedel polıtsııa qyzmetkerleri jumystan bosatylýy múmkin. Bul týraly búgin Almaty qalalyq ІІD baspasóz qyzmetinen habarlady.
«Qazir osy derek boıynsha Almaty qalalyq Іshki ister departamentinde qyzmettik tekserý júrgizilip jatyr. Sonyń nátıjesi boıynsha kúdiktiniń sot ǵımaratynan qashyp shyǵýyna jol bergen polıtsııa qyzmetkerleri jaýapqa tartylatyn bolady. Olar tipti ishki ister organdarynan shyǵarylýy múmkin», - delingen habarlamada.
Esterińizge sala ketelik, buǵan deıin Almaty polıtsııasynyń kúdikti - 1991 jyly týǵan D. Dosmaǵambetovti qaıta qolǵa túsirgendigi jaıly habarlanǵan bolatyn. Ol munyń aldynda ózine qatysty sotqa deıingi tergeý kezeńinde bultartpaý sharasyn taǵaıyndaý úshin sotqa jetkizilgen edi. Alaıda, kúdikti amalyn taýyp, sot ǵımaratynan qashyp shyqqan. Biraq, keıin ustaldy.
Qazir, D. Dosmaǵambetovke QR Qylmystyq Kodeksiniń 188-baby, 2-shi tarmaǵynyń 2-shi jáne 3-shi bólimderinde qarastyrylǵan qylmystardy (bógdeniń múlkin urlaý) jasaǵan degen kúdik taǵylyp otyr.
Belgili bolǵanyndaı, ol buǵan deıin de osy tektes qylmystary úshin qylmystyq jaýapkershilikke tartylǵan.
