Almatyda kúdikti 5-qabattan sekirip mert boldy
ALMATY. QazAqparat - Almatyda tergeýge kelgen kúdikti 5-qabattan sekirip mert boldy, dep habarlaıdy QazAqparat tilshisi.
Qaıǵyly oqıǵa qalalyq Ekonomıkalyq tergeý departamentiniń ǵımaratynda 22 qyrkúıekte, keshke bolǵan.
Іs materıaldaryna sáıkes, 44 jastaǵy Erlan Qonysbaev 2016 jyly QR BǴM Ǵylym komıtetinen quny 230 mln teńge bolatyn grant utyp alǵan.
Kelisimshartta belgilengen qalǵan qarajatty qoldanýǵa salynǵan tyıymǵa qaramastan Qonysbaev bógde kompanııalardyń (affılırılengen) esepshotyna 88 mln teńge aýdaryp, naqty aqshaǵa aınaldyryp alǵan.
Al kelisimge sáıkes ýaǵdalasqan jumys oyrndalmaǵan.
2020 jyly 22 qyrkúıekte odan advokatynyń qatysýymen kúdikti retinde suraq jaýap alyndy.
Erlan Qonysbaevqa QR QK 190-babynyń 4-bólimimen asa iri kólemde alaıaqtyq jasady degen aıyp taǵyldy.
Tergeý barysynda Erlan Qonysbaevtyń buǵan deıin bir ret aýyr qylmys boıynsha isti bolǵany anyqtaldy.
Sondyqtan, tergeýshi QR QK 128-baby boıynsha ýaqytsha oqshaýlaý ornyna qamaý týraly sheshim shyǵarǵan bolatyn.
Ustaý hattamasy toltyrylyp, tintý júrgizilip jatqanda Erlan Qonysbaev 5-qabattaǵy terezeden sekirip ketken.
Jedel járdem kelgenshe ol kóz jumdy
Qazir QR QM Qarjy monıtorıngi komıteti osy derekke baılanysty ishki tekserý jumystaryn bastady.
