Almatyda kúdik týdyrǵan jáshik úshin kóshelerdi jaýyp tastady
ALMATY. QazAqparat - Almatyda kúdik týdyrǵan jáshik úshin kóshelerdi jaýyp tastady, dep habarlaıdy QazAqparat.
«Saıyn kóshesi men Tólebı dańǵyly qıylysynda kúdik týdyrǵan jáshiktiń turǵany týraly dabyl kelip tústi. Qalanyń tótenshe jaǵdaılar jáne jedel qyzmetteri mundaı habarlamalarǵa jaýap berý boıynsha alǵashqy sharalar aıasynda birinshi kezekte azamattardyń qaýipsizdigin qamtamasyz etti: apat oryny qorshaýǵa alyndy, kólikterdi patrýldik polıtsııa balamaly marshrýttar boıynsha baǵyttady», - dep habarlady polıtsııada.
Mamandardyń tekserisinen keıin kúdikter men qaýipter rastalmady, qorap ıesiz boldy.
Sonymen qatar, Almaty qalasynyń PD azamattarǵa saqtyq tanytqandary úshin alǵys bildiredi.
Illıýstratsııalyq foto: ria57.ru
