Almatyda qubyr jarylyp, jerden ystyq sý atqylady

ALMATY. QazAqparat – Almatyda turǵyn úı kesheniniń mańynda jylý qubyry jaryldy, dep habarlaıdy QazAqparat tilshisi.

Onyń vıdeosy áleýmettik jelide tarady.

Belgili bolǵanyndaı, 16 qańtarda túnde Almaly aýdany Saıran kóliniń mańynda ornalasqan «Jaıly» turǵyn úı kesheniniń aýmaǵynda bolǵan. Saldarynan birneshe kópqabatty úı ýaqytsha jylýsyz qaldy.

Almaty qalalyq kommýnaldyq qyzmet ókilniń aıtýynsha, jarylǵan jylý qubyry turǵyn úı kesheniniń balanasynda.

«Tańǵy saǵat 3 pen 4-tiń arasynda ishki ýchaskede jylý qubyry jaryldy. Bizdiń mamandar apat ornyna baryp, ony qalpyna keltirýge kómektesti. Tańǵy saǵat 8-ge qaraı úılerge jylý berildi. Zardap shekkender týraly aqparat túsken joq», - dedi Almaty qalasy Jylý energo kesheni jáne TKSh resmı ókili ıAn Gırın.

Onyń aıtýynsha, qubyr 2003 jyly paıdalanýǵa berilgen. Onyń dıametri 150 santımetr.

Vıdeodan alynǵan kadr