Almatyda qubyr tóseý kezinde er adam qaza tapty
ALMATY. QazAqparat - Almatyda aýyzsý qubyryn tartyp jatqan kezde jumysshy mert boldy, dep habarlaıdy QazAqparat tilshisi.
Qaıǵyly jaǵdaı 20 sáýir kúni Almaty qalasynyń Naýryzbaı aýdany, «Aqjar» shaǵynaýdanynda boldy.
Er adamnyń ólimi týraly áriptesi Facebook-tegi paraqshasynda habarlady.
«20 sáýirde Aqjarda saıajaı turǵyndaryna sýarý qubyryn salý kezinde bizdiń áriptesimiz joǵary voltty symdy ilip ketip, sol jerde kóz jumdy», - dep jazdy avtor.
Qalalyq Polıtsııa departamentinen málim etkendeı, adam ólimi faktisi Naýryzbaı aýdandyq polıtsııa basqarmasynyń sotqa deıingi tergeýdiń biryńǵaı tizilimine tirkeldi.
«Sot-medıtsınalyq saraptama taǵaıyndaldy. Oqıǵanyń basqa da mán-jaılary anyqtalýda», - dep atap ótti polıtsııadan.
Naýryzbaı aýdanynyń ákimdigi osy jaǵdaıǵa baılanysty sál keıinirek túsinikteme beretinin aıtty.
