Almatyda kýáliginen aıyrylsa da, mas bolyp kólik júrgizýdi qoımaǵan 300 adamǵa aıyppul salyndy
ALMATY. QazAqparat – Almatyda 302 júrgizýshi mas kúıinde kólik aıdap, júrgizýshi kýáliginen aırylsa da, rólge otyrǵany úshin 10 mln teńge aıyppul arqalady, dep habarlaıdy QazAqparat tilshisi.
«Zań talaptary kúsheıtilse de, keıbir júrgizýshiler mas kúıinde rólge otyrýdy jalǵastyryp otyr. 2020 jyly Ákimshilik quqyq buzý kodeksiniń 608, 612, 613 baby boıynsha sanktsııalar qataıtyldy. Quqyq buzǵandar 20 táýlikke deıin qamalady», - dedi qalalyq ákimshilik polıtsııa basqarmasynyń basshysy Jandos Muratalıev.
Onyń aıtýynsha, jyl basynan beri alkogolge, toksıkologııalyq, esirtkige masaıyp alǵan 847 júrgizýshi jaýapkershilikke tartylǵan.
835 adam sot sheshimimen ákimshilik jazaǵa tartyldy.
Odan bólek, QR Ákimshilik quqyq buzý kodeksiniń 612-baby 3-bólimimen kólik aıdaý quqyǵynan aırylsa da, rólge otyrǵan 302 júrgizýshi jazalandy.
Olarǵa 10 498 018 teńge aıyppul salynǵan.
