Almatyda kross-kantrıden Qysqy birinshiliktiń ekinshi kezeńi ótedi
ALMATY. 22 aqpan. QazAqparat - Almatyda 26 aqpan kúni Ortalyq saıabaqtaǵy «Spartak» stadıonynda «Almaty» veloklýbynyń uıymdastyrýymen kross-kantrıden Qysqy birinshiliktiń ekinshi kezeńi ótedi.
Sharanyń maqsaty - salaýatty ómir saltyn nasıhattaý, turǵyndar arasynda velosportty, onyń ishinde, kross-kantrıdi damytý bolyp tabylady.
Jarysqa áýesqoı jáne kásipqoı 100-ge jýyq sportshylar, sondaı-aq «Almaty» veloklýbynyń músheleri qatysady. Uıymdastyrýshylardyń aıtýynsha, jarysqa barlyq tilek bildirýshiler qatysa alady.
Kóremin deýshilerge kirý tegin.
