Almatyda krıptovalıýta aıyrbastaýmen zańsyz aınalysqan kásipker sottaldy
ALMATY. QazAqparat – Qarjylyq monıtorıng agenttigi Almaty qalasy boıynsha departamentiniń qyzmetkerleri tsıfrlyq aktıvterdiń aınalymy salasyndaǵy zańsyz kásipkerlik qyzmetin toqtatty, dep habarlaıdy QazAqparat vedomstvonyń baspasóz qyzmetine silteme jasap.
Almaty qalasynyń turǵyny 2019-2022 jyldar aralyǵynda krıptovalıýta aıyrbastaýmen aınalysyp, sol arqyly qamtamasyz etilmegen tsıfrlyq aktıvterdi zańsyz aınalymǵa túsirip, iri kólemde paıda tapqan.
Tergeý barysynda ınternet-resýrs tirkeýsiz jáne qarjylyq qyzmet kórsetýge lıtsenzııasyz túrli krıptovalıýtalardy satyp alý-satý qyzmetterin kórsetkeni anyqtaldy.
«Binanse» krıpto-ámııanyna túsken qarajat kólemi – 693 myń dollar nemese shamamen 310 mıllıon teńge, al 2020-2021 jyldardaǵy jeke kásiptiń jalpy jyldyq kirisi 94 mln teńgege jýyqtaǵan.
Sot jeke kásipkerdi kináli dep tanyp, aıyppul tóleý jazasyn taǵaıyndady.
