Almatyda kreatıvti kásipkerlerge qarjylaı qoldaý kórsetiledi
Bul týraly onlaın brıfıng barysynda Kreatıvti ındýstrııa basqarmasynyń basshysy Qaısar Sarybaev aıtty, dep habarlaıdy QazAqparat tilshisi.
«Shyǵarmashylyq jáne naryq. London, Nıý-Iork, Tokıo, Gonkong, Berlın, Barselona, Máskeý osy jolmen júredi. Kreatıvti ekonomıka shaǵyn bıznes pen jumyspen qamtýǵa aıtarlyqtaı múmkindikter usynady. Bul ıkemdi, jobaǵa negizdelgen, mobıldi, jeke daǵdylardy qajet etedi», - dedi basqarma basshysy.
Spıkerdiń sózinshe, Qazaqstannyń jalpy ishki óniminde ındýstrııanyń úlesi Almaty qalasyna tıesili.
Sonymen qatar, ol Memleket basshysy eldegi kreatıvti ekonomıkanyń mańyzdylyǵyna basa nazar aýdarǵanyn jáne osy salany damytýda Almaty qalasyna qoldaý kórsetetinin atap ótti.
«Kreatıvti kásipqoılar tek kreatıvti ındýstrııada ǵana suranysqa ıe emes. Kóptegen dástúrli salalardyń básekege qabilettiligi olardyń ónimdiligine baılanysty. Meniń oıymsha, Almaty jaqyn arada jańa ındýstrııalar men ınnovatsııalardyń, «bilim ekonomıkasynyń» ortalyǵyna aınalady. Sebebi jergilikti atqarýshy organdar kreatvıti bıznes-qoǵamdastyq ókilderimen júıeli qarym-qatynas ornatýǵa múddeli», - dedi ol.