Almatyda krannan aqqan sýdy ishýge bola ma ?

Orta eseppen qalalyqtar táýligine 600 myń tekshe metr sý tutynady.

Negizinen sý Úlken jáne Kishi Almaty ózenderinen, Almaty jáne Talǵar jerasty sýlarynan jetkiziledi.

Beriletin sýdyń 70% 150-500 metr tereńdikten jerasty qaınar kózderinen alynady.

Holdıng mamandary Úlken jáne Kishi Almaty, Kimasar, Qarǵaly, Aqsaı ózenderiniń sýy qalaı tazalanatynyn kórsetti. Sý eń aldymen tundyrylady. Odan keıin tazalaý qurylǵylaryna jiberiledi.

Ol jerde tundyrǵyshtar, súzgishter, fıltrler, taza sýdyń rezervýary ornalasqan.

«Qysta sý esh óńdelmeıdi, tek kóktemde ǵana tazalanady. Qysta tek aýrý týdyratyn mıkrobtardy óltirip, dezınfektsııalaý sharalary júrgiziledi. As tuzymen óńdeledi. Elektrolız arqyly natrıı gıphlorıdin alyp, sýdy bakterııalyq turǵydan tazalaımyz. Bizde jerasty jáne jerústi sýlary da aýyz sý normalaryna tolyq saı. Almatynyń sýynyń quramyna kelsek, munda barlyq mıneraldar saqtalady. Almaty krandaryndaǵy sýdy ishýge bolady. Bul qaınaǵan sý ishkennen góri áldeqaıda paıdaly», - dedi «Almaty sý» bas tazalaý qurylǵylarynyń bas tehnology Lıýdmıla Eremına.

«Almaty sý» bas tazalaý qurylǵylarynyń basshysy Ersen Qasymovtyń aıtýynsha, sýdy zararsyzdandyrý maqsatynda táýligine 1,5 tonna as tuzy paıdalanylady.

«Bul - jańa metodıka. Munyń aldynda suıyq hlor paıdalanatyn edik. Jańa tehnologııa 2010 jyly sý arnasynyń nysandaryna engizile bastady. Suıyq hlor - ýly zat, ıaǵnı ony paıdalaný jumysshylardyń densaýlyǵyna da qaýip keltiredi. Sonymen qatar, sý arnalaryna jaqyn ornalasqan tutynýshylardyń ómiri de qaýipke tigildi. Qazir bul qaýip tolyǵymen seıildi», - dedi Ersen Kasymov.

Zararsyzdandyrylǵan, tazartylǵan sý arnalary arqyly tutynýshylarǵa jetkiziledi. Barlyǵy sýmen qamtý shemasyna 118 taza sý rezervýary engizilgen. Onda 300 myń tekshe metr sý jetkiziledi. Sonymen qatar, kásiporyn ókilderi sý jelileriniń ahýalyn jiti baqylaýda ustap otyr. Arnaıy zerthanaǵa synaqtan ótkizýge 400 núkteden synama alynady. Mamandar sý quramynyń 20 jyl boıy qatty ózgere qoımaǵanyn aıtty.