Almatyda QR Jýrnalıster odaǵy syılyǵynyń laýreattary marapattaldy
ALMATY. QazAqparat- Almatyda QR Jýrnalıster odaǵy syılyǵynyń laýreattaryn marapattaý saltanaty ótti.
Úzdik reporterlik jumys nomınatsııasy boıynsha júldeler «Egemen Qazaqstan» gazetiniń Aqmola oblysyndaǵy menshikti tilshisi Amalbekov Baqbergenge, óńirdegi qoǵamdyq-saıası oqıǵalardy jedel kórsetkeni úshin Soltústik Qazaqstan oblystyq «Nedelıa SK» gazetiniń tilshisi Kondratova Aleksandraǵa tabys etildi.
Ekonomıkalyq sholý nomınatsııasy boıynsha «Kazahstanskaıa pravda» gazetiniń Pavlodar oblysyndaǵy menshikti tilshisi Gorbýnov Sergeıge; Qazaqstan óńirleriniń ekonomıkalyq damý týraly taldaý materıaldary úshin Qaraǵandy oblystyq «Ortalyq Qazaqstan» gazeti bas redaktorynyń orynbasary Musabekov Ersinge berildi.
«Dat-Obşestvennaıa pozıtsııa» jáne «Novaıa gazeta - Kazahstan» respýblıkalyq gazetteriniń sholýshysy Júnisova Jumabıke Qazaqstandaǵy azamattyq qoǵamnyń damý joldary týraly taldamalyq sholýlary úshin «Saıası sholý» nomınatsııasynda úzdik dep tanyldy.
Úzdik jýrnalıstik zertteý retinde «WikiLeaks» saıtyn qurǵan avstralııalyq jýrnalıst-bloger Djýlıan Assanjdyń jumysy tanyldy.
Úzdik Іzdenis materıaly nomınatsııasy boıynsha júlde Atyraýdyń «Aqjaıyq» gazetiniń bas redaktory Qaıyrhanov Sabyrǵa Semeı ıadrolyq polıgony jabylýynyń 25 jyldyǵyna arnalǵan materıaldar serııasy úshin tabys etildi. Úzdik televızııalyq jumys nomınatsııasy boıynsha «Astarly aqıqat» jáne «Drýgaıa pravda» televızııalyq baǵdarlamalaryn uıymdastyrǵan «Kommertsııalyq televızııalyq arnanyń» telejúrgizýshileri Tólepbergen Dına men Shahmatov Alekseı qara úzdi. Sondaı-aq, «Bizge ózgerýge kómektesetin dáriger-adam» derekti fılmi úshin PIK telestýdııasynyń ujymy (jetekshisi Jánibek Súleev) marapattaldy. Úzdik medıa-joba nomınatsııasy boıynsha marapat «Vechernıı Taldykorgan» gazetiniń ujymyna - Jetisýdyń áleýmettik-ekonomıkalyq problemalaryn kórsetýdegi shyǵarmashylyq izdenisteri úshin berildi. Qazaqstan jýrnalıstıka akademııasy «Altyn juldyz» jalpyulttyq syılyǵymen «Qazaq entsıklopedııasynyń» bas dırektory, professor Baýyrjan Jaqypty marapattady. Qazaqstan Jýrnalıster odaǵy men «Kazınpress» qaýymdastyǵy Amangeldi Ahmetálimovtiń atyndaǵy syılyqpen Qazaqstannyń aqparattyq qyzmetin damytýǵa qosqan súbeli úlesi úshin qoǵam qaıratkeri Ámirjan Qosanovty marapattady. Halyqaralyq «Kazahstan-ZAMAN» gazeti Raqymbaı Hanaly atyndaǵy syılyqpen fotojýrnalıstıkany damytýǵa qosqan úlesi úshin «Ońtústik Qazaqstan» gazetiniń fototilshisi Sherim Muhtardy marapattady. Beıbit Qusanbek atyndaǵy jas telepýblıtsıster úshin jeke syılyǵymen «Qazaqstan» telearnasynyń júrgizýshisi Marjan Kókisheva marapattaldy. Qazaqstan Jýrnalıster odaǵynyń dıplomdarymen baspasózdi qoldaǵany jáne jýrnalıstermen ózara túsinistigi úshin: Astana jáne Qazaqstan mıtropolıtiAleksandrdyń, Qazaqstan jýrnalıstıkasy ardageri Aıtbaeva Afrızanyń, A.N.Syzganov atyndaǵy ulttyq hırýrgııa ǵylymı ortalyǵy bas dırektory Arzyqulov Jetkergenniń, QR Baılanys jáne aqparat agenttigi aqparat departamenti dırektory orynbasary Baıbosynov Janbolattyń, «Vechernıı Almaty» gazeti bas redaktory Jorov Nıkolaıdyń, Oral qalasy ákiminiń burynǵy baspasóz hatshysy Júsipqalıev Ibragımniń, «Qazaqtelekom» AQ prezıdenti Esekeev Qýanyshbektiń, QR Halyqaralyq baspasóz ınstıtýty ulttyq komıtet tóraǵasy Erejepov Bolattyń, Qazaqstan baspasóz klýby prezıdenti Qaraýylova Áseldiń, «Kaspıı bank» AQ dırektorlar keńesi tóraǵasy Kım Vıacheslavtyń, Astanadaǵy Ulttyq baspasóz klýby vıtse-prezıdenti Májenov Qudaıberdiniń, Ál-Farabı atyndaǵy Qazaq ulttyq ýnıversıteti rektory Mutanov Ǵalymqaıyrdyń, Qazaqstan bas redaktorlar klýby vıtse-prezıdenti Toqtaǵazın Muratbektiń qyzmetteri atap ótildi.
