Almatyda QR Tuńǵysh Prezıdentiniń kóshbasshylyq fenomeni talqylandy

ALMATY. QazAqparat - Almatyda otandyq jáne shetel ǵalymdary QR Prezıdenti Nursultan Nazarbaevtyń kóshbasshylyq fenomeni jáne onyń qoǵamnyń turaqty damýyndaǵy róli jóninde áńgime qozǵady, dep habarlaıdy QazAqparat tilshisi.

QR Tuńǵysh Prezıdenti kitaphanasy dırektorynyń orynbasary Botagóz Qaıypova atalǵan sharanyń mańyzdylyǵyn atap ótti.

Onyń sózinshe, ǵylymı konferentsııada ǵalymdar men sarapshylar Elbasynyń lıderlik fenomenin talqyǵa saldy.

Jıynda sóz sóıleýshiler Prezıdenttiń Táýelsizdiktiń negizi qalanyp jatqan qıyn-qystaý kúnderde qanshalyqty mańyzdy sheshimder qabyldaǵandyǵyn atap ótti. Sondaı-aq olar Elbasynyń qazaq tarıhy, mádenıeti men bolmysyna qatysty dúnıelerdi jan-jaqty, tereń meńgere biletindigin atap ótti.

«Memleket basshysy óziniń sóılegen sózderinde, suhbattarynda Qazaqstanda ejelden beıbitshilik pen kelisim ornyqqanyn aıtyp keledi. Memleket basshysy 1995 jyly Qazaqstan halqy Assambleıasyn qurý týraly bastama kóterdi. Atalmysh uıymnyń qyzmeti Qazaqstanda turyp jatqan halyqtar men etnostar arasyndaǵy beıbitshilik pen kelisimdi nyǵaıtýǵa baǵyttalǵan»,-dep atap ótti Sh.Ýálıhanov atyndaǵy tarıh jáne etnologııa ınstıtýtynyń dırektory Zııabek Qabyldınov.