Almatyda "QR Tuńǵysh Prezıdenti N.Á.Nazarbaevtyń táýelsiz Qazaqstannyń qurylýy men damýyndaǵy róli" atty ǵylymı-tájirıbelik konferentsııa ótti
ALMATY. Sáýirdiń 9-y. QazAqparat /Názıra Eleýhan/ - Qazaqstannyń barlyq saladaǵy jetistigi jáne qalyptasqan halyqaralyq bedeli jáne elimizdiń búkilálemdik deńgeıde táýelsiz memleket retinde tanylýy eń aldymen Elbasynyń kóregen basshylyǵy men salıqaly saıasatynyń arqasynda qol jetken nátıje.
Bul týraly búgin Almatyda ótken "QR Tuńǵysh Prezıdenti N.Á.Nazarbaevtyń táýelsiz Qazaqstannyń qurylýy men damýyndaǵy róli" atty ǵylymı-tájirıbelik konferentsııa barysynda «Nur Otan» HDP-nyń Almaty qalalyq fılıaly tóraǵasynyń birinshi orynbasary Amangeldi Kárimollın málim etti, dep habarlaıdy QazAqparat.
Onyń aıtýynsha, N.Nazarbaevtyń Qazaqstannyń qurylýy men damýyndaǵy róli úlken tarıhı oqıǵa. "Óıtkeni, KSRO-nyń kúıreýi kezindegi qıyn jyldarda jáne qaıta qurý ýaqytynda Elbasy áleýmettik-ekonomıkalyq reformalardyń generatory boldy, sonyń arqasynda elimiz qoǵamda turaqtylyqty saqtaı otyryp, damýdyń durys baǵytyn tańdap, daǵdarystan shyqty", dep atap ótti ol.
Konferentsııaǵa ǵalymdar men Qazaqstan halqy Assambleıasynyń ókilderi, saıası partııalardyń kóshbasshylary, Almatynyń máslıhat depýtattary, ÚEU-dyń jetekshileri qatysty. Olardyń aıtýynsha, elimizdegi ultaralyq kelisim men áleýmettik turaqtylyqtyń saqtalýy - memlekettik saıasattyń basymdylyqtarynyń biri bolyp sanalady.
Sonymen qatar, jıyn barysynda qatysýshylar bıylǵy jyly Prezıdent ınstıtýtyna 20 jyl tolatyndyǵyn atap ótip, "Prezıdenttik basqarýdyń 20 jyly ishinde elimizde birqatar ekonomıkalyq jáne saıası reformalar júzege asyrylyp, iri ınstıtýtsıonaldy ózgerister boldy", dedi.
Konferentsııa aıasynda táýelsiz Qazaqstannyń qurylý men damý tarıhy, Tuńǵysh Prezıdenttiń róli jáne prezıdenttik basqarýdyń tarıhı joly qaraldy.
