Almatyda QR Tuńǵysh Prezıdenti qorynyń stıpendıattary marapattaldy
MATY. Qazannyń 28-i. QazAqparat /Erbol Turymbetov/ - Búgin Qazaqstan Respýblıkasy Tuńǵysh Prezıdenti qorynyń shákirtaqysyn alýǵa jarııalanǵan respýblıkalyq baıqaý jeńimpazdaryn marapattaý rásimi bolyp ótti.
Bul baıqaý elimizde alǵash ret ótkizildi. Shákirtaqy stýdentterdiń oqý, ǵylymı jáne shyǵarmashylyq qyzmetterine yntalandyrý syılyǵy retinde tabystalyp otyr. Baıqaýǵa QR-nyń joǵary jáne orta arnaýly oqý oryndarynda «óte jaqsy» baǵaǵa oqıtyn, óz jetistikterin baıandamalary, ǵylymı zertteýleri jáne basqa belsendilikterimen dáleldegen stýdentter qatysty.
«Respýblıkamyzdyń ár aımaqtarynan 200-den astam ótinish kelip tústi. Solardyń ishinen eń úzdikterin tańdaýǵa tyrystyq. Búgingi marapattalyp otyrǵan stýdentter osy qarajatty oqý men ıgilikti jumystarǵa jumsaıdy dep senemin», dedi qor dırektory Bektas Muhamedjanov.
Óz kezeginde stýdentter atynan Qorqyt Ata atyndaǵy Qyzylorda memlekettik ýnıversıtetiniń 4-shi kýrs stýdenti Jasulan Tasabaev qor basshylyǵyna alǵystaryn jetkizdi. «Ózimizge artylǵan senimdi bolashaqta aqtaýǵa tyrysamyz. Qazaqstannyń jarqyn bolashaǵy úshin sapaly bilim alyp, osy stıpendııanyń jemisin qaıtaramyz dep ýáde etemiz», dedi ol.
Stıpendııaǵa ótinishter Astana, Almaty, Aqtóbe, Qaraǵandy, Kókshetaý, Qostanaı, Qyzylorda, Pavlodar, Semeı, Taraz jáne Túrkistan qalalarynan kelip túsken. Bıylǵy shákirtaqy 19 stýdentke tabys etildi. Uıymdastyrýshylar sharanyń bolashaqta da jalǵasatynyn málim etti.
