Almatyda QR Tuńǵysh Prezıdenti Qory jańajyldyq shyrsha merekesin uıymdastyrady
ALMATY. 22 jeltoqsan. QazAqparat /Názıra Eleýhan/ - Almatyda búgin jáne erteń QR Tuńǵysh Prezıdenti Qory jańajyldyq shyrsha merekesin ótkizedi.
Buǵan Almaty qalasynyń jáne Almaty oblysynyń ata-ananyń qamqorlyǵynsyz qalǵan balalar, balalar úıleriniń tárbıelenýshileri jáne túzetý mektep-ınternattarynyń balalary shaqyrylyp otyr.
300-den astam qatysýshy balalardy merekelik qyzyqty jańajyldyq baǵdarlamalar kútip tur - «Jańa jyldyq saıahat» shoý-maskarady: onda ataqty estrada juldyzdary men jas juldyzdar, myń buralǵan bıshiler óz ónerlerin kórsetedi, sonymen qatar túrli oıyndar men baıqaýlar ótedi.
Balalarǵa keremet kóńil-kúı syılaıtyn - Karına Abdýllına, Tolqyn Zabırova, Erlan Kókeev, Almas Kishkenbaev, Dınara Sultan, Aılan, «Іńkár» toby, «Arlan», «Premera», «Іnjý» jáne taǵy basqa qazaq estrada juldyzdary. Olardyń árqaısysy qaıyrymdylyq sıpatta óner kórsetetin bolady.
Shyrshaǵa shaqyrylǵan ár balaǵa jańajyldyq syılyqtar tabystalady. Al, balalarǵa daıyndalǵan arnaıy tosyn syılyqtar árbirine qýanysh syılary sózsiz.
