Almatyda QR prezıdenttik ınstıtýtynyń 20 jyldyq tarıhyna arnalǵan kórme ashyldy
ALMATY. Sáýirdiń 23-i. QazAqparat / Ádilet Musahaev / - Búgin Almatydaǵy Ó.A. Joldasbekov atyndaǵy Stýdentter saraıynda «Qazaqstan Respýblıkasynyń prezıdenttik ınstıtýty: tarıh jáne qazirgi zaman - 20 jyl!» atty kórmeniń ashylý rásimi boldy,
dep habarlaıdy QazAqparat.
Alǵashqylardyń biri bolyp sóz alǵan QazUÝ-dyń rektory Baqytjan Jumaǵulov jınalǵandardy tarıhı oqıǵamen quttyqtap, atalmysh kórmeniń mańyzdylyǵyna toqtalyp ótti.
Kórme QR prezıdenttik ınstıtýtynyń 20 jyldaǵy tarıhyna, respýblıkamyzdyń jetken jetistikteri men sheteldik áriptestik baılanys, ekonomıkalyq ósý jáne Elbasynyń saıasaty sııaqty mańyzdy taraýlardy qamtyǵan.
Kórmeniń ashylý rásiminen keıin «Qazaqstan Respýblıkasynyń prezıdenttik ınstıtýty: tarıh jáne qazirgi zaman» atty halyqaralyq ǵylymı-tájirıbelik konferentsııasynyń qorytyndysy jasalyp, sektsııa jetekshileri men qonaqtardyń baıandamalary tyńdaldy.
«Bul konferentsııada Qazaqstannyń tarıhyna ǵana toqtalyp, ótken jolyn taldap qana qoımaı, osy konferentsııa negizinde Qazaqstannyń bolashaqta jeter jańa maqsattaryn aıqyndadyq. Konferentsııaǵa kelgen sheteldik jáne otandyq baıandamashylar pikiri bir aýyzdan Qazaqstannyń álem aldyndaǵy bedeliniń bıik, Elbasy saıasaty saýatty, kóregen ekendigin taǵy bir aıqyndady», deıdi QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Q.Sultanov.
Sondaı-aq qorytyndy barysynda «Qazaqstan Respýblıkasynyń prezıdenttik ınstıtýty: tarıh jáne qazirgi zaman - 20 jyl!» atty taqyrypta ótken stýdenttik ǵylymı jumystardyń nátıjesi anyqtalyp, konferentsııa taqyryby aıasynda joǵary kórsetkishke jetken elimizdegi JOO jeńimpaz stýdentter QR Bilim jáne ǵylym mınıstrligi tarapynan 1, 2, 3 dárejeli dıplomdarmen marapattalsa, oqytýshy, ustazdar quramy QR ǵylymynyń damýyna qosqan úlesi úshin tós belgisi jáne marapat qaǵazdarymen marapattaldy.
Jıynǵa Almaty qalasy ákiminiń orynbasary S.Seıdýmanov, QR Konstıtýtsııalyq Keńesiniń Tóraǵasy I.Rogov, QR Parlamenti Senatynyń depýtaty, A.Bıjanov, QR Bilim jáne ǵylym vıtse- mınıstri M.Nurǵalıuly qatysty.
