Almatyda QR Prezıdenttigine kandıdat Ǵ.Qasymovty qoldaýǵa arnalǵan kontsert bolyp ótti
ATY. 28 naýryz. QazAqparat /Názıra Eleýhan/ - Almatydaǵy Stýdentter saraıynda Qazaqstannyń patrıottar partııasy atynan saılaýǵa túsetin, senator, QR Prezıdenttigine kandıdat Ǵanı Qasymovtyń «Almaty - meniń alǵashqy mahabbatym!» atty qaıyrymdylyq kontserti bolyp ótti.
Úmitkerdi qoldaýǵa arnalǵan kontsertke ár túrli jastaǵy qala turǵyndary, onyń dostary, patrıottar partııasynyń músheleri, qazaq estradasynda júrgen ártis-dostary qatysty.
Kesh mýzykany baǵalaýshylar men naǵyz dostardyń kezdesýi boldy. Jınalǵan qaýymǵa tanymal ánshiler Tolqyn Zabırova, Qaırat Túntekov, Erkesh Shákeev óz ónerlerin kórsetti. Kontsertke sonymen qatar, T.Júrgenov atyndaǵy Qazaq ulttyq óner akademııasynyń stýdentteri qatysty.
Ǵanı Qasymov kontsertke kelip, qoldaý bildirgen barsha qaýymǵa alǵysyn bildirip, saılaýda ózi tańdaǵan kandıdatyna daýys berýge shaqyrdy.
