Almatyda QR Prezıdentiniń júldesi úshin erler arasynda dzıýdodan Álem kýbogynyń jarysy ótedi
ASTANA. Qyrkúıektiń 24-i. QazAqparat /Ernur Aqanbaı/ - Qyrkúıektiń 25-i men 26-sy kúnderi Almatyda QR Prezıdenti Nursultan Nazarbaevtyń júldesi úshin erler arasynda dzıýdodan Álem kýbogynyń jarysy ótedi. Týrızm jáne sport mınıstrliginiń málimetinshe,
Qazaqstanda tuńǵysh ret ótkiziletin bul dodaǵa Azııa men Eýropadan kil myqty dzıýdoshylar qatysady. Balýan Sholaq atyndaǵy sport saraıyndaǵy boz kilemniń tórinde 20-dan astam eldiń sportshylary ózara myqtyny anyqtaıdy. Atalmysh halyqaralyq jarys 2012 jyly Londonda ótetin Olımpıada oıyndaryna irikteý boıynsha eseptik upaı beretin kezeńdik lıtsenzııalyq jarys bolyp tabylady.
