Almatyda QR Prezıdenti janyndaǵy Jastar saıasaty jónindegi keńestiń ІH otyrysy ótip jatyr
ALMATY. 31 qazan. QazAqparat /Erlik Erjanuly/ - Jastar saıasatyn júzege asyrýda jastardyń úlesi 2015 jyly 25 paıyz, 2020 jyly 55 paıyzdy quramaq. Bul búgin Almatyda ótip jatqan QR Prezıdenti janyndaǵy Jastar saıasaty jónindegi keńestiń ІH otyrysynda aıtyldy.
Ol QR Premer-mınıstri keńsesiniń basshysy, QR Prezıdenti janyndaǵy Jastar saıasaty jónindegi keńestiń tóraǵasy Ǵabıdolla Ábdirahymovtyń tóraǵalyǵymen ótip jatyr. Respýblıkalyq keńestiń músheleri, Astana qalasynyń jáne oblys ákimdikteri janyndaǵy Jastar isteri jónindegi keńesterdiń hatshylary, QR Prezıdent ákimshiliginiń, QR Premer-Mınıstri keńsesiniń qyzmetkerleri men Almaty qalasy ákimdiginiń qurylymdyq bólimshileriniń basshylary jáne jastar uıymdarynyń ókilderi qatysýda.
"Memlekettik baǵdarlamada quzyrly organdardaǵy jastardyń úlesi 2015 jyly - 6 paıyz, 2020 jyly - 15 paıyzdy quraıtyn bolady. "Stýdentter týraly" jańa zań jobasynda memlekettik jastar saıasatyn júzege asyrýda 18 jáne bilim berý týraly zań boıynsha 1 ustanym boıynsha ózgerister engizý josparlanyp otyr. Bilim jáne ǵylym, mádenıet, eńbek jáne halyqty áleýmettik qorǵaý, aýyl sharýashylyǵy mınıstrlikteriniń jáne jergilikti atqarýshy organdardyń ókilettikteri naqtylanýda", - deıdi bilim jáne ǵylym mınıstrliginiń jaýapty hatshysy Bolatbek Ábdirásilov.
