Almatyda QR Memlekettik akademııalyq bı teatrynyń "Úlken balet keshi" ótedi
ALMATY. Maýsymnyń 16-sy. QazAqparat /Názıra Eleýhan/ - Almatyda Abaı atyndaǵy opera jáne balet teatrynda maýsym aıynyń 30-y kúni QR halyq ártisi, Memlekettik jáne «Tarlan» syılyqtarynyń laýreaty Bolat Aıýhanov basqaratyn QR Memlekettik akademııalyq bı teatrynyń "Úlken balet keshi" ótedi,
dep habarlaıdy QazAqparat.
Elimizdiń mádenı ómirindegi mańyzdy oqıǵalardyń biri bolatyn kontsertte óner súıer kópshiliktiń nazaryna M.Erjanova menA.Isakovanyń mýzykasyna jazylǵan "Shyńǵyshannyń aq bulty" baletiniń premerasy usynylmaq. Bunymen qatar, qonaqtarǵa P.Chaıkovskııdiń «Aq túnder», «Romeo men Djýletta», «Aqqý kóli», sondaı-aq, Bıze-Şedrınniń «Karmen» shyǵarmalary da qoıylmaq.
Bul baǵdarlama odan keıin Qazaqstannyń basqa qalalarynda - Pavlodar, Aqsý, Ekibastuz, Ereımentaý, Stepnogor jáne Astanada kórsetiletin bolady. Kontsertter aǵymdaǵy jyly qyrkúıek aıynda ótedi.
Kontsertke halyqaralyq baıqaýlardyń laýreattary, Anglııa, túrik eli, Shotlandııa, Shveıtsarııa, Reseı elderinde úlken jetistikpen óner kórsetip júrgen QR Memlekettik akademııalyq bı teatrynyń solısteri qatysady.
Teatr maýsymy «Aqqý kóli» qoıylymymen jabylady.
