Almatyda QR Kórkemóner akademııasynyń músheleri jalpyhalyqtyq referendýmdy bir aýyzdan qoldaıtyndyqtaryn bildirdi
ALMATY. 28 qańtar. QazAqparat /Názıra Eleýhan/- Búgin Almatyda ótken dóńgelek ústelde QR Kórkemóner akademııasynyń músheleri Prezıdent ókilettigin uzartýǵa arnalǵan referendýmǵa bir aýyzdan qoldaý bildiretindikterin aıtty.
«Dóńgelek ústel» otyrysynda QR Kórkemóner akademııasynyń prezıdenti, Qazaqstannyń eńbek sińirgen qaıratkeri Laýra Orazbekova: «Elbasy Nursultan Nazarbaevtyń basshylyq kezinen bastap Qazaqstan shynymen de táýelsiz, egemendi el bolyp, ekonomıka men mádenıettiń, jańa saıasattyń qalyptasýynda bıik jetistikterge jetti»,-dep atap ótti.
Ol sonymen qatar: «Táýelsizdik jyldary mádenıet pen óner salasynda jahandyq jańarýlar oryn aldy. Bul elimizdiń jańa Astanasymen kórinis tapty. Bunda elimizdiń tuńǵysh Prezıdenti N.Á.Nazarbaevtiń eńbegi orasan. Ol Eýrazııa dalasynyń ortalyǵynda qala salyp, ǵalamdyq arhıtektýralyq kórkem jobalar men kórkeıtýde óz úlesin qosty. Elimizdiń óner men mádenıettegi barlyq shyǵarmashylyq qaıratkerleri Elbasyn Astananyń avtory, Qazaqstan jańa mádenıetin qalyptastyrýshy, reformashy, ónerdiń jańa qurylymynyń negizin qalaýshy, onyń ishinde Kórkemóner akademııasyn da qurýshy dep sanaıdy»,-dedi.
Jıynda akademııanyń músheleri, qoǵam qaıratkerleri Elbasy Nursultan Nazarbaevty - el bolashaǵynyń jetistigi, óner men mádenıettiń gúldenýi, turaqtylyqtyń kepili bolyp tabylady dep atap ótti.
