Almatyda QR Konstıtýtsııasynyń 15 jyldyǵyna arnalǵan otyrys ótti

ALMATY. Tamyzdyń 20-sy. QazAqparat /Erbol Turymbetov/ - Almaty qalasy Medeý aýdandyq ákimi apparaty QR Prezıdentiniń muraǵatynda «Táýelsiz Qazaqstannyń Konstıtýtsııasyna 15 jyl: Negizgi zań - demokratııalyq reformalardyń negizi» atty otyrys ótkizdi,

dep habarlaıdy QazAqparat.

Jıyn Konstıtýtsııamyzdyń 15 jyldyǵyna arnalyp otyr. Sharanyń maqsaty demokratııalyq Qazaqstandy qurýdaǵy jetistikterimiz ben Konstıtýtsııa kúnine degen qurmetimizdi bildirýge baǵyttalǵan.

«Konstıtýtsııa eldigimizdi, birligimizdi saqtaýdaǵy eń basty qural. Oǵan bizdiń qurmetimiz árqashan bıik. Búgingi otyrysymyz da sonyń dáleli», dedi Medeý aýdandyq ákiminiń orynbasary Berik Mustafın.

Otyrysqa ǵalymdar, qoǵam belsendileri men Qazaqstan halqy Assambleıasy ókilderi, saıası partııa ókilderi jáne taǵy basqa da belgili tulǵalar qatysty.

Shara barysynda «QR Konstıtýtsııasyna 15 jyl» jáne «QR-daǵy Prezıdent ınstıtýty: tarıh jáne qazirgi ýaqyt» taqyryptarynda kórmeler uıymdastyryldy.