Almatyda QR Konstıtýtsııasynyń 15 jyldyǵyna arnalǵan kórme ashyldy
dep habarlaıdy QazAqparat.
Qazaqstan Konstıtýtsııasynyń tarıhy jaıynda baıandaıtyn kórmede dala zańynan tamyr tartqan Ata zańymyzdyń tarıhyna erekshe mán berilgen. Qazaqtyń dala zańdary týraly málimetter, sondaı-aq Keńes úkimeti tusyndaǵy Konstıtýtsııalar sheshire tarıhymen tolyqtyrylǵan. Kórmege sonymen qatar búgingi táýelsiz elimizdiń Ata zańy, memlekettik nyshandar qoıylǵan. Sondaı-aq, elimizdiń qazirgi tańdaǵy jetken jetistikteri týraly fotosýretter ornalasqan.
Tarıh ǵylymdarynyń doktory Edige Ýálıhanovtyń aıtýynsha, "Konstıtýtsııanyń negizderi baǵzy zamannan qalyptasqan, onyń ejelden dalalyq, demokratııalyq úlgisi boldy. Qazaq handyǵy qurylǵan kezde ol halyqtyń arasynda úlken oryn aldy.Qazaq handary osy dalalyq, demokratııalyq úlgidegi zańdy damytty. Kóptegen tarıhshylar ol zańdardyń úlgilerin saqtalǵan joq deıdi. Onyń úlgisi sol kezdegi jyrlarda, qazaq aýyz ádebıetinde, maqal-mátelderde aıtylyp, sonymen saqtalyp qaldy", dedi ol.
Osy zańdardyń basty maqsaty - jaýǵa toıtarys berý, qoǵamdy biriktirý boldy. Keńes zamanynda otarshyldyqty joıý beleń alyp, handyqty joıý, bılerdiń bıligin tartyp alý, qaýymdyq bılikti ózgertý syndy ózgerister boldy. Osy jyldary arnaıy "dalalyq, demokratııalyq úlgini" saqtap qalý úshin arnaıy komıssııa quryldy. Onda Shoqan Ýálıhanov qyzmet etip, bılik soty men qyzmetin, eń kerekti degen negizgi zańdardy qoǵamdyq qurylym dep atap ótken edi. Qazan tóńkerisine deıin bıler soty saqtalyp keldi. Ózgeriske ushyraǵanmen búginde ol negizgi belgilerin, atap aıtqanda, birtutas qoǵam, el birligi, egemendi el ózin-ózi qorǵaý kerek degen basty belgilerin joǵaltqan joq", dep atap ótti tarıh ǵylymdarynyń doktory Edige Ýálıhanov.