Almatyda QR Konstıtýtsııasynyń 15 jyldyǵyna arnalǵan ádebı-mýzykalyq kesh ótti
dep habarlaıdy QazAqparat.
Qazaqstan Uıǵyr jastary odaǵy men Respýblıkalyq Uıǵyr mádenı ortalyǵynyń uıymdastyrýymen ótken sharaǵa elimizdiń ǵylym jáne mádenıet qaıratkerleri, qoǵamdyq birlestikterdiń ókilderi qatysty.
"Kez kelgen zaıyrly eldiń damý baǵyttaryn belgileıtin basty qujaty Ata zańy. Búgingi Negizgi zańdy adam quqyǵy men bostandyǵy úshin mol kepildik beretin ádiletti qujat dep bilemin. Bul oraıda, ulttyq memlekettiń berik tuǵyry bolyp tabylatyn Konstıtýtsııanyń 15 jyldyǵy qutty bolsyn deı otyra, Ata zańnyń aıasynda búginde Qazaqstan - dostastyqtyń týyn tikken jer bolyp otyr dep atap ótkim keledi. Onyń aıǵaǵy, Qazaqstan jerinde bir shańyraqta dostyq pen yntymaqta ómir súrip jatqan 130-dan asa ár túrli ult ókilderi bar. Olardyń barlyǵy qazaq jerinde baqytty ǵumyr keshýde. Biz de, uıǵyr ulty ózimizdi baqytty sezinemiz. Bizge barlyq jaǵdaı jasalýda, búginde Qazaqstanda 64 uıǵyr mektebi jumys isteıdi, uıǵyr tilinde basylymdar shyǵady, teatrlar da bar. Kópshiligi memlekettik organdar men bankterde jumys isteıdi, jeke kásipkerlikpen de aınalysýda. Bunyń barlyǵyn Elbasynyń saraly saıasaty dep bilemin jáne bul zańnyń jumys istep jatqandyǵyn kórsetedi", dedi Respýblıkalyq uıǵyr mádenı ortalyǵynyń tóraǵasy, Qazaqstan halqy Assambleıasynyń múshesi Ahmetjan Shardınov.