Almatyda QR halyq sýretshisi G.Ysmaıylovanyń mereıtoılyq kórmesi ashyldy
sp;ALMATY. Jeltoqsannyń 22-i. QazAqparat /Ádilet Musahaev/ - Búgin Almatydaǵy Á. Qasteev atyndaǵy óner murajaıynda Qazaq KSR eńbek sińirgen óner qaıratkeri, QR halyq sýretshisi, «Qurmet belgisi» jáne «Parasat» ordeniniń ıesi, «Tarlan» júldesiniń laýreaty Gúlfaırýz Ysmaıylovanyń 80 jasqa tolǵan mereıtoıyna oraı «Qas-qaǵym sátteı...» atty kórmesiniń ashylýy boldy,
dep habarlaıdy QazAqparat.
Kórmeni QR mádenıet jáne aqparat mınıstriniń orynbasary Asqar Bóribaev Elbasynyń quttyqtaý sózin jetkize otyryp, eldiń mádenı damýyna, halyqtar arasyndaǵy yntymaqtastyqty nyǵaıtýda qosqan úlesi úshin QR Prezıdentiniń jarlyǵymen marapattalǵan Gúlfaırýz Ysmaıylovaǵa І dárejeli «Dostyq» ordenin tapsyrdy.
1929 jyly 15 jeltoqsanda Almaty qalasynda dúnıege kelgen G.M. Ysmaıylova halyqqa «Bótagóz», «Qyz Jibek» sıqty fılmder arqyly keńinen tanymal. Sonymen qatar ol kóptegen fılmderdiń kórkemdik bezendirýshisi. G.Ysmaıylova 16 jyldan astam Abaı atyndaǵy opera jáne balet teatrynda bas sýretshi bolyp qyzmet atqardy. 30-daı qoıylym onyń bezendirýinde jumys istep keledi. Kórkem keskindeý shyǵarmashylyǵy, teatr jáne kıno sýretshisi ári aktrısa jáne qoǵam qaıratkeri retinde G. Ysmaıylovanyń Qazaqstan mádenıeti men óner tarıhynda alar orny erekshe.
