Almatyda QR Bilim jáne ǵylym mınıstri elimizdiń joǵary oqý oryndarynyń rektorlarymen keńes ótkizdi
ASTANA. Qazannyń 21-i. QazAqparat - 2010 jylǵy qazannyń 21-inde Almatyda Qazaqstan Respýblıkasy Bilim jáne ǵylym mınıstri Baqytjan Jumaǵulovtyń tóraǵalyǵymen elimizdiń joǵary oqý oryndarynyń rektorlarymen keńes ótti, dep habarlaıdy QR Bilim jáne ǵylym mınıstrliginiń baspasóz qyzmeti.
Oǵan Qazaqstannyń barlyq memlekettik jáne jeke joǵary oqý oryndarynyń rektorlary, basqa da joǵary mektepterdiń basshylary, memlekettik basqarý organdarynyń ókilderi, shaqyrylǵan mamandar qatysty.
Keńeste Qazaqstan Respýblıkasynyń Prezıdenti N.Á.Nazarbaevtyń elimizdiń ındýstrııalyq-ınnovatsııalyq damýynyń memlekettik baǵdarlamasyn, Qazaqstanda ıntellektýaldy ultty qalyptastyrý baǵdarlamasyn, bilim berýdiń 2011-2020 jyldarǵa arnalǵan memlekettik baǵdarlamasyn júzege asyrýda kadrlardy jáne ıntellektýaldyq qamtamasyz etý jóninde joǵary bilimniń aldyna qoıǵan mindetteri basty taqyrypqa aınaldy.
Mınıstr óziniń sózinde bul mindetterdi sheshýdiń ózekti degen mehanızmder júıesine erekshe toqtaldy, olardyń ishinde mamandar daıarlaýdy halyqaralyq deńgeıge kóterý jáne álemdik ǵylymı-bilim berý júıesine kirigý, bilimniń, ǵylymnyń, óndiristiń bir-birimen baılanysyn jaqsartý, «Nazarbaev ýnıversıtetiniń» biregeı keshenin jasaý, joǵary oqý oryndarynyń ǵylymı jáne ınnovatsııalyq damý, stýdentter arasynda tárbıe jumystaryn jetildirý, stýdentterdiń ózin-ózi basqarýdyń fýnktsııasyn jáne ókilettiligin keńeıtý, stýdentterdi áleýmettik qamtamasyz etý jáne basqa da kókeıtesti máseleler bar.
Bilim berý sapasyna baqylaý jasaý, lıtsenzııalaý, joǵary oqý oryndaryn akkredıtatsııalaý, qabyldanǵan sheshimderdiń negizdi ári ashyq bolý, olarǵa talapty kúsheıtý máselelerine jańasha qarap, óte joǵary talap qoıý qajettigi aıtyldy. Bilim alý úshin joǵary oqý oryndaryn tańdap alǵan áleýetti jumys berýshiler men jastardyń múddesin oılaı otyryp, qazaqstandyq ınstıtýttar men ýnıversıtetterdi reıtıngtik baǵalaý mehanızmderin jetildirýge basa nazar aýdaryldy.
Rektorlar korpýsy joǵary oqý oryndarynyń jelisin ońtaılandyrý, zertteý ýnıversıtetterine sanattardy engizýdi kózdegen jańa mehanızm boıynsha jikteý jónindegi usynystar, Bolon protsesi negizinde bilim berýdiń memlekettik standarttary men olarǵa akademııalyq avtonomııasyn berýdi jaqsartý, halyqaralyq deńgeıde tanylǵan oqytýdyń kredıttik tehnologııasyn meńgerýdegi jetistikter men problemalar, talapkerlerdi tańdaýdyń sapasyn jaqsartý jáne Ulttyq biryńǵaı testileý (UBT) júıesin jetildirý jáne basqa da máselelerge úlken qyzyǵýshylyq tanytty.
Keńeste barlyq qaralǵan máseleler boıynsha tapsyrmalar berilip, naqty sheshimder qabyldandy.
