Almatyda QR Bilim berý isiniń úzdikterine qurmet kórsetildi
ALMATY. Aqpannyń 4-i. QazAqparat /Erlik Erjanuly/ - Bilim jáne ǵylym mınıstrligindegi Elbasynyń halyqqa Joldaýyn nasıhataý tobynyń jetekshisi alǵashqy kezdesýin búgin Almatyda Qazaqtyń Muhamedjan Tynyshbaev atyndaǵy kólik jáne kommýnıkatsııa akademııasynda ótkizdi,
dep habarlaıdy QazAqparat.
Top jetekshisi, Bilim jáne ǵylym mınıstriniń keńesshisi Venara Jeksenbekova bul kezdesýde aldymen akademııa oqytýshylary Nurhan Isaev pen Mádenıet Qobdyqovqa QR Bilim berý isiniń qurmetti qyzmetkeri ataǵyn, al ózge 4 oqytýshyǵa Bilim jáne ǵylym mınıstrliginiń Qurmet gramotasyn tabys etti. Al Akademııa rektory Ádilbek Botabekov QR Bilim berý isiniń qurmetti qyzmetkeri atanǵan ǵalymdardyń eńbekaqysyna endi Akademııa tarapynan jalaqylarynyń 10 paıyzy kóleminde qosymsha beriletindigin aıtty.
V. Jeksenbekova bul jıynda 4 máselege aıryqsha nazar aýdardy. Onyń alǵashqysy, patrıottyq tárbıe jumysy jóninde boldy. Bul másele boıynsha 2009-2011 jyldarǵa arnalǵan memlekettik baǵdarlama bar ekenin aıtqan mınıstrdiń keńesshisi, atqarylyp jatqan is-sharalarǵa jastardy kóptep atsalysýǵa shaqyrdy. "Qazirgi tańda oǵan kóbine tek belsendiler ǵana qatysyp, ózge jastar odan syrt qalyp jatyr. Sondyqtan, jumysty birigip atqarý kerek. Ony Bilim jáne ǵylym mınıstri Janseıit Túımebaev keshe Astanada rektorlarmen ótken alqaly jıynda da aıtty. Jalpy, mınıstrlik buǵan deıin "Tárbıe jumysynyń qazaqstandyq úlgisi tujyrymdamasyn" bekitken bolatyn. Onda da patrıottyq tárbıe máselesine erekshe kóńil bólindi", deıdi Venera Jeksenbekova.
