Almatyda «Kózge kórinetin» erekshe kórme ótip jatyr
ALMATY. 3 qarasha. QazAqparat - Keshe Almatydaǵy Á. Qasteev atyndaǵy memlekettik óner murajaıynda fotosýretshi Sergeı Varygın men onyń shákirtteriniń «Kózge kórinetin» atty fotokórmesi ashyldy.
16 qarashaǵa deıin sozylatyn bul kórmege 500-den astam peızaj, portret, sáýlet, reportaj sýretteri, makro sýretter jáne basqa da janrdaǵy fotojumystar qoıylyp otyr. Onda fotosýretshiler kúndelikti ómirdegi «kózge kórinetinderdi» taýyp, kórsetý arqyly qorshaǵan orta kórinisterine óz kózqarasyn bildirgen.
Jalpy Sergeı Varygın fotomektebiniń negizi 2010 jyly qalanǵan bolatyn. Onda áýesqoı fotograftarǵa dáris berýmen qatar, kásipqoılar úshin de arnaıy kýrstar usynylady.
