Almatyda qozǵalysqa qatysty shekteýlerdi saqtamaǵandar jazalanady
ALMATY. QazAqparat – Almatyda Óńirlik kommýnıkatsııalar qyzmeti alańynda qalalyq Polıtsııa departamentiniń basshysy Qanat Taımerdenov karantın rejiminiń talaptaryn naqtylady, dep habarlaıdy QazAqparat tilshisi.
«Tótenshe jaǵdaıǵa baılanysty talaptardy buzǵan adamdarǵa 10 AEK kóleminde aıyppul salynyp nemese 15 táýlikke deıin qamaýǵa alý sııaqty ákimshilik jaza qoldanylady. Tótenshe jaǵdaı jarııalanǵan aýmaqta bılik ókiliniń talabyna baǵynbaǵandarǵa 2000 AEK mólsherinde aıyppul salynyp nemese 600 saǵatqa deıin qoǵamdyq jumysqa tartylady nemese 2 jylǵa deıin bas bostandyǵy shekteledi», - dedi Qanat Taımerdenov.
Sonymen qatar, onyń aıtýynsha, azamattardyń suraqtaryna jaýap berý úshin Call center 254 40 07 iske qosyldy.
Aıta ketý kerek, Almaty men Nur-Sultan qalasynda karantın rejimi engiziledi. Soǵan baılanysty Almatyda azamattar men avtokólikterdiń qalaǵa kirip, shyǵýyn shekteý úshin 27 blok beket ornatylady.
