Almatyda qoıý tuman 6 ushaqqa ýaqytyly qonýǵa múmkindik bermedi
ALMATY. 17 aqpan. QazAqparat - Búgin aýa raıynyń qolaısyzdyǵy men 20/50 metr qashyqtyqtaǵy jerdi kórý múmkindiginiń bolmaýyna baılanysty, birneshe ushaq ýaqytyly jerge qona almady, dep habarlandy Almaty halyqaralyq áýe jaıynyń baspasóz qyzmetinen.
«Eır Astana» áýe kompanııasynyń bir reısi, atap aıtqanda, «Astana-Almaty» (kelý ýaqyty- 8:32) baǵytyndaǵy KS 622 ushaǵy óz ýaqytynda qona almaı, Astanaǵa qaıta oraldy.
3 áýe kemesiniń ekıpajdary - bmi, Turkish Airlines jáne Chehııa áýe joldary kompanııalary, qosalqy aedromdarǵa qonbaı, kórý múmkindigi jaqsarǵansha kúte turýǵa sheshim qabyldady. Nátıjesinde bmi kompanııasynyń áýe kemesi ushaǵy ushyp-qoný alańyna 9.39-da (kelý ýaqyty 8.40), Turkish Airlines 9.52-de (8.33) jáne «Chehııa áýejelileriniń» ushaǵy 9.31-de (9.05) sátti qondy. Olar qalyń tumannyń saldarynan ýaqytynda jerge qona almady.
Buǵan deıin 6 reıs kórý múmkindigi 25/125 metr jáne 20/125 metr bolýyna baılanysty qosalqy aerodromdarǵa baryp qondy. Bul áýe kemeleriniń ekıpajdary ІІІ V sanaty boıynsha sertıfıkattalmaǵan.
Qosalqy aerodromdarǵa «Bishkek-Almaty» baǵytyndaǵy «Eır Astana» áýe kompanııasynyń KS 110 ushaǵy, «Sankt-Peterbor» baǵytyndaǵy «Eır Astananyń» KS 136 ushaǵy, «Samara-Almaty» baǵytyndaǵy «Eır Astananyń» KS 146 ushaǵy, VV 429 Aero Svıft (Ýkraına) kompanııasynyń «Kıev-Almaty» baǵytyndaǵy ushaǵy, Turkish Airlines kompanııasynyń TK 350 «Ystambul-Almaty» baǵytyndaǵy jáne Transaero kompanııasynyń UN 205 «Máskeý-Almaty» ushaqtary qondy.
Qazirgi ýaqytta Almaty áýejaıynyń aerodromynda ushý úshin aýa raıy qolaıly.
