Almatyda qoımalardaǵy alapat órt sóndirildi
ALMATY. QazAqparat - Almaty órt sóndirýshileri qoımalarda bolǵan iri órtti sóndirdi, dep habarlaıdy QazAqparat.
«2016 jyly 6 qarashada saǵat 10:42-de Almaty qalalyq TJD «101» pýltine Jetisý aýdany, Qazybaev, 264 «A» mekenjaıyndaǵy «Karına Trading» JShS qoımasynyń órtengeni týraly habarlama kelip tústi. Atalǵan habar boıynsha qutqarý kúshteri men tehnıkalary jolǵa shyqty. Alǵashqy órt sóndirýshiler atalǵan jerge 10 mınýtta, saǵat 10:52-de jetti.
Órt sóndirýshilerdiń aıtýynsha, qoımada makýlatýra qaǵaz janyp ketken. Órt 11:24-te aýyzdyqtalyp, 12:20-da tolyq sóndirildi. Órt aýmaǵy 150 sharshy metrdi quraıdy», - dep habarlady Almaty qalalyq TJD-nyń resmı ókili Sandýǵash Baımuhambetova.
