Almatyda qoımalar otqa orandy
ALMATY. QazAqparat - Almatyda qoımalar otqa orandy, dep habarlaıdy QazAqparat tilshisi qalalyq TJD silteme jasap.
Baspasóz qyzmetiniń jetekshisi Sandýǵash Baımuhambetovanyń aıtýynsha, Medeý aýdany Tátibekov 10 mekenjaıynda ornalasqan qoımalardyń órtenip jatqany týraly habarlama túski 12:28-de túsken.
«Órt sóndirýshiler shatyrdy jalmaǵan tilsiz jaýdyń japsarlas turǵan ǵımarattardy sharpýynyń aldyn aldy. Qyzyl jalyn 400 sharshy metr aýmaqty jalmady. Órt 13:17-de aýyzdyqtaldy», - dedi Sandýǵash Baımuhambetova.
Onyń aıtýynsha, qazir órttiń shyǵý sebepteri anyqtalyp jatyr.
