Almatyda qoımadan shyqqan órt sóndirilip jatyr
ALMATY. Qazaqparat - Almatyda qoımadan shyqqan órt sóndirilip jatyr, dep habarlaıdy QazAqparat.
5 naýryz kúni 20:04-te TJD-nyń «101» pýltine Alataý aýdany Terekti shaǵyn aýdany Taýsamaly kóshesindegi qoımada órt shyqqany týraly habarlama kelip túsken. Órt sóndirýshiler qazirgi sátte tilsiz jaýmen arpalysyp jatyr.
«Oqıǵa ornynda shtab quryldy, órtti sóndirýge 3 alań daıyndaldy. Jeke quramnan 90 adam tartylyp, 25 tehnıka órtti sóndirýde», - deıdi Almaty TJD resmı ókili Sandýǵash Baımuhambetova.
