Almatyda qoımadan shyqqan iri órt sóndirildi
ALMATY. QazAqparat - Almatyda qoımadan shyqqan órtke qatysty jańa málimetter anyqtaldy, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń resmı ókili Sandýǵash Baımuhambetovanyń aıtýynsha, órtpen kúres shaqyrtý túsken ýaqyttan bastap eki saǵatqa jalǵasty.
«Alataý aýdany, Terekti shaǵyn aýdanyndaǵy Taýsamaly, 21 meken jaıynda ornalasqan qoıma ǵımaratynyń janyp jatqany týraly habarlama saǵat 20:04-te tústi. Tilsiz jaý 22:14-te oqshaýlandy. Jalyn 1400 sharshy metr aýmaqty sharpydy. Aýdanda sý tapshylyǵy máselesi bolǵandyqtan, órtpen kúres qıyndaı tústi. Sý jetkizý qolǵa alyndy», - dedi S.Baımuhambetova.
Órttiń shyǵý sebebi anyqtalýda.
Buǵan deıin habarlaǵanymyzdaı, órtti sóndirýge TJD-niń jeke quramynan 90 adam men 25 tehnıka jumyldyryldy.
