Almatyda qoımadaǵy órt sóndirildi
ALMATY. QazAqparat – Almatyda Túrksib aýdanynda otqa oranǵan qoımalardaǵy alapat órt sóndirildi, dep habarlaıdy QazAqparat tilshisi.Qalalyq TJD baspasóz qyzmetiniń habarlaýynsha, tilsiz jaý 17:11-de aýyzdyqtaldy.
Qalalyq TJD baspasóz qyzmetiniń habarlaýynsha, tilsiz jaý 17:11-de aýyzdyqtaldy.
«Tótenshe jaǵdaılar departamentiniń «101» pýltine Túrksib aýdany Bekmahanov kóshesi 96 mekenjaıyndaǵy órt týraly habarlama túski saǵat 14:21–de tústi. Bul jerde jekemenshik qoımalar ornalasqan. Órt shyqqan qoımada qytaıdyń skýterleri, kvadrotsılder men mototsıklder saqtalǵan. Ekinshisinde qaǵazdar bolǵan. Bulardyń bári tez janatyn zattar. Qyzyl jalyn 1600 sharshy metr jerdi sharpydy. Zardap shekender joq. Keltirilgen shyǵyn eseptelýde»,– dedi Almaty qalalyq TJD basshysy Serik Áýbákirov.
Buǵan deıin, qoımadan órt shyqqany týraly habarlaǵan bolatynbyz.
Keıin qoımadan shyqqan órtti sóndirý úshin tikushaq jumyldyryldy. «Qazavıaspas» kásipornynyń MI-171 jáne MI-8 tikushaǵy órt oshaǵyn aýyzdyqtaý úshin áýe arqyly kómekke keldi.
