Almatyda qoımadaǵy órt aýyzdyqtaldy
ASTANA. QazAqparat - Almatyda qoımada tutanǵan órt aýyzdyqtaldy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«28 maýsym kúni 06:02-de Almaty qalasy Ortalyq órt baılanysy beketine Túriksib aýdanynda qoıma ǵımarattarynyń órtenip jatqany týraly habar keldi. Biraq júgingender dál mekenjaıyn aıtqan joq. 06:03-te oqıǵa ornyna órt sóndirýshiler jiberildi. Órt sóndirý kúshteri men quraldary №3 joǵary shaqyrý deńgeıi boıynsha qımyl jasady. Órt sóndirýshiler oqıǵa ornyna jetkende qoıma ǵımarattarynyń shamamen 3000 sharshy metr aýdany órtke oranyp jatqan. 09:06-da 17 myń sharshy metrden astam aýdanǵa jaıylǵan órt aýyzdyqtaldy», - delingen habarlamada.
Oqıǵa ornyna Almaty qalasy tótenshe jaǵdaılar departamentiniń 75 órt sóndirýshisi jáne 20 tehnıkasy jumyldyryldy. Sý tasý úshin kommýnaldyq qyzmetter tartyldy.
Sondaı-aq «QazAvıaQutqarý» qyzmetiniń Mı-17 tikushaǵy áýeden kómekke keldi.
