Almatyda qoımadaǵy alapat órt saldarynan balabaqsha jabyldy
ALMATY. QazAqparat – Jekemenshik balabaqsha dırektory Gúlnara Qurbanqulova qoımada tutanǵan alapat órt týraly aıtyp berdi, dep habarlaıdy QazAqparat tilshisi.
«07:30-da aýlany tútin qaptap jatqanyn kórdim. Tútin ádettegideı ıppodrom jaqtan kelgen dep oıladym. Esikti ashyp, syrtqa shyǵa bergende qoıma órtinp, qap-qara tútin sol jaqtan shyǵyp jatqanyn kórdim. «101» nómirine habarlasyp, qoıma órtenip jatqanyn jetkizdim», - deıdi Gúlnara Qurbanqulova.
Onyń aıtýynsha, qazir qoımanyń tóńiregindegi ǵımarattardyń esik-terezesin ashýǵa bolmaıdy. Tútin men ystyń ısi kiredi. Soǵan baılanysty balabaqsha búgin jabyq.
Eske sala keteıik, tańerteń Almatynyń Jetisý aýdanynda qoıma órtenip jatqanyn habarlaǵan bolatynbyz.
Avtor: Danııar Dáýitálıev
