Almatyda qoıma órtendi
ASTANA. 7 shilde. QazAqparat - Almaty qalasynyń Almaly aýdanynda búgin túnde órt boldy. Nurmaqov,2 kóshesinde ornalasqan «Kýlısh» jáne «Shataeva» jeke kásipkerlerdiń óndiristik-qoıma jaılary órtendi,
dep habarlady Tótenshe jaǵdaılar mınıstrliginiń baspasóz qyzmetinen.
Ekiqabatty ǵımarattyń shatyry órtenip, jalyn 1200 sharshymetrge jaıylǵan. Órt sóndirýshilerdiń jedel is-qımyldarynyń arqasynda órt saǵat 02.57-de aýyzdyqtaldy, 06. 39 mınýtta tolyq sóndirildi.
Órt sóndirýge Almaty qalasy Tótenshe jaǵdaılar departamenti órt sóndirý qyzmeti jeke quramynyń 59 adamy men 17 tehnıkasy jumyldyryldy. Qurban bolǵandar men zardap shekkender joq.
